لاہور (آن لائن) منشیات کی سمگلنگ کے مقدمے میں ملوث غیر ملکی چیک حسینی عدالت میں پیشی پر رو پڑی۔ غیر ملکی ماڈل کی آنکھوں سے اس وقت آنسو ٹپک پڑے جب کمرہ عدالت سے باہر میڈیا نے اس سے مختلف سوال کئے جس پر غیر ملکی ماڈل ملزمہ کا کہنا تھا کہ وہ کیس کے فیصلے میں تاخیر کے باعث پریشان ہے۔ فیصلہ کب ہوگا معلوم نہیں۔ اسے اس کی فیملی بہت یاد آتی ہے جبکہ گزشتہ روز بھی غیر ملکی ملزمہ کے ساتھی ملزم کے وکیل عدالت میں پیش نہ ہونے پر عدالت نے مقدمے کی سماعت بغیر کسی کارروائی کے ملتوی کر دی۔