کراچی (آن لائن)سربراہ پاکستان سنی تحریک محمد ثروت اعجاز قادری نے کہا ہے کہ غیروں کی جنگ سے پاکستان کو معاشی اور جانی نقصانات اٹھانا پڑا ہے ،حکومت کا فیصلہ درست سمت میں ہے کہ پرائی جنگ دوبارہ نہیں لڑینگے ،مذہبی ولسانی شدت پسندی کے خاتے کیلئے حکومتی سطح پر اقدامات کئے جائیں ،بھارت پاکستان کے خلاف سازشوں سے باز رہے ،
پاکستان کے عوام بھارت کی اینٹ سے اینٹ بجانا اچھی طرح جانتے ہیں ،پاکستان میں دہشتگردی کے پیچھے بھارت کا ہاتھ ہے جس کے ٹھوس شواہد موجود ہیں ،چینی قونصلیٹ سانحہ میں بھارتی ہاتھ ملوث ہونے کے ٹھوس شواہد سامنے آگئے ہیں ،پاکستان میں دہشتگردی کے پیچھے بھارتی ہاتھ کے ٹھوس شواہدسے بھارت بوکھلاگیا ہے ،بھارت مکروہ اور دہشتگردانہ چہرے کو چھپانے کیلئے پاکستان پر جھوٹے الزامات لگا رہا ہے ،کالعدم تنظیموں کی نقل وحمل اور بیرونی فنڈنگ کو روکنے کیلئے سخت اقدامات کئے جائیں ،ان خیالات کا اظہار انہوں نے محراب پور روانگی کے موقع پر معززین سے گفتگو کرتے ہوئے کیا ،ثروت اعجاز قادری نے کہا کہ عالمی قوتیں بھارتی دہشتگردی کا نوٹس لیں ،بھارت خطے میں امن برباد کرنے کے درپے ہے ،انہوں نے کہا کہ پاکستان کی ترقی وخوشحالی اور دہشتگردی کے خاتمے کیلئے پوری قوم یکجا ہے ،پاک فوج کی دہشتگردی کے خلاف کاوشوں کا پوری دنیا اعتراف کررہی ہے ،امریکہ امن کا خواہ ہے تو خطے میں متوازن پالیسی کو فروغ دے ،انہوں نے کہا کہ غیر متوازن امریکی پالیسیاں امریکہ کے کردار کو مشکو ک اور بھارت کا جانبدار بنارہی ہے ۔
