اسلام آباد (مانیٹرنگ ڈیسک )ملک بھر میں سردی کی شدت میں اضافہ ہو گیا، اسکردو میں درجہ حرارت نقطہ انجماد سے 6درجے نیچے گر گیا، کوئٹہ میں پارے نے صفر ڈگری کو چھو لیا۔کالام میں منفی 3، استور میں منفی 4، ہنزہ اوربگروٹ میں درجہ حرارت منفی ایک ڈگری سینٹی گریڈ ریکارڈ کیا گیا۔گزشتہ 24گھنٹوں کے دوران اسلام آباد میں کم سے کم درجہ حرارت سات، کراچی میں 19، لاہور میں 11، پشاور میں 7، مظفر آباد میں 4، فیصل آباداور ملتان میں 12جبکہ

حیدر آباد میں کم سے کم درجہ حرارت 18ڈگری سینٹی گریڈ ریکارڈ کیا گیا۔کوئٹہ اور قلات سمیت بلوچستان کے شمالی علاقوں میں موسم سرد اور خشک ہے، محکمہ موسمیات نے شمالی علاقوں اور شمالی بلوچستان میں شدید سردی رہنے کی پیشگوئی کی ہے،کوئٹہ میں درجہ حرارت صفر ڈگری سینٹی گریڈ ریکارڈ کیا گیا،صوبے کے بیشتر علاقوں میں موسم پھر سرد ہونا شروع ہوگیا ہے،آئندہ24 گھنٹوں کے دوران شمالی بلوچستان میں موسم شدید سرد رہنے کاامکان ہے۔