اسلام آباد (مانیٹرنگ ڈیسک) احتساب عدالت میں پیشی کے دوران نواز شریف کو سرپرائز دیتے ہوئے لیگی خاتون رہنما نے پارٹی ٹکٹ کے لیے لیے گئے پیسے واپس مانگ لیے، ایک نجی ٹی وی چینل کی رپورٹ کے مطابق معمر خاتون نے میاں نواز شریف سے پیسے واپس کرنے کی درخواست کر دی، واضح رہے کہ میاں محمد نواز شریف کی احتساب عدالت پیشی کے موقع پر معمر خاتون آپا زبیدہ تحصیل ممبر راولپنڈی میونسپل کارپوریشن نے سابق وزیراعظم
میاں محمد نواز شریف سے درخواست کی کہ اس نے ایم پی اے کی خصوصی نشست کے پارٹی ٹکٹ کے لیے اپنی تمام جمع پونجی کے علاوہ 75 ہزار روپے ادھار لے کر پارٹی کو دیے، انہوں نے کہا کہ مالی حالات بہت خراب ہیں لہٰذا مجھ سے لی گئی ٹکٹ فیس واپس کی جائے، رپورٹ کے مطابق سابق وزیراعظم میاں محمد نواز شریف نے پرویز رشید کے ذریعے پارٹی ٹکٹ کے لیے دی گئی فیس کے پیسے واپس کرنے کی یقین دہانی کرا دی۔
