اسلام آباد (این این آئی) چین پاکستان اقتصادی راہداری کی جائنٹ ورکنگ کمیٹی کے 9 دسمبر کو بیجنگ میں ہونیوالے اجلاس میں وزیراعظم کے حالیہ دورہ چین کے دوران ہونیوالے معاہدوں کی توثیق کی جائے گی۔ سی پیک سیکرٹریٹ حکام کے مطابق اجلاس میں سعودی عرب کے سی پیک میں بطورانوسٹمنٹ پارٹنر شمولیت

کا معاملہ بھی زیرغور آئیگا ۔ذرائع کے مطابق متحدہ عرب امارات کی طرف سے بھی منصوبہ میں انوسٹمنٹ پارٹنر بننے کا بھی جائزہ لیا جائیگا ۔دونوں ممالک زرعی شعبے کی ترقی کے لئے جوائنٹ ورکنگ گروپ کا بھی جائزہ لیں گے۔ زراعت میں سرمایہ کاری کا طریقہ کار بھی مذکورہ اجلاس میں زیر بحث آئے گا۔