اسلام آباد (مانیٹرنگ سیل) ماضی کی سپراسٹار اداکارہ روحی بانو لاپتا ہوگئیں۔ تفصیلات کے مطابق تمغہ حسن کارکردگی حاصل کرنیوالی روحی بانو لاپتہ ہو گئی ہیں۔ روحی بانو طویل عرصے سے نفسیاتی و مالی مسائل کا شکار ہیں جبکہ روحی اپنی ازدواجی زندگی کی بے سکونی کے بعد اکلوتے بیٹے علی کے قتل کے بعد سے ذہنی اور نفسیاتی
مسائل کا شکار ہو گئی تھیں جس کے باعث وہ مالی مسائل سے بھی دوچار تھیں۔ وہ فائونٹین ہائوس میں مقیم اور زیر علاج تھیں تاہم اب نہ تو نفسیاتی ہسپتال فائونٹین ہائوس میںموجودہیں اور نہ اپنے گھر میں جبکہ امید ظاہر کی جا رہی تھی کہ شاید وہ اپنی بہن کے گھر نہ چلی گئی ہوں تاہم اب وہاں سے بھی ان کی عدم موجودگی کی اطلاعات آرہی ہیں۔
