اسلام آباد(مانیٹرنگ ڈیسک)ملک میں امن و امان کی صورتحال کنٹرول میں ہے،وزیر اطلاعات فواد چوہدری نے مذہبی جماعتوں کے احتجاج اور ہڑتال کی کال کے بعد آپریشن کی خبروں کی تردید کردی ۔اپنے ایک ٹوئٹ میں ان کا کہنا تھا کہ ملک بھر میں حالات کنٹرول میں ہیں، مظاہرین کے ساتھ مذاکرات جاری ہیں، حکومت عوام کی زندگی اور آزادی کی ضامن ہے، مظاہرین کے خلاف آپریشن
کی سوشل میڈیا پر خبریں غلط ہیں،وفاقی وزیر برائے مذہبی امور نور الحق قادری آج بھی مظاہرین کی قیادت سے مذاکرات کریں گے۔اس سے قبل ٹوئٹر پر اپنے پیغام میں فواد چوہدری نے لکھا تھا کہ ملک میں امن و امان کی صورتحال کنٹرول میں ہے، ریاست کے صبر کو اس کی کمزوری نہ سمجھا جائے، آئین اور قانون کی مکمل عملداری ہی عوام کا مفاد ہے ۔ یہ فرض پورا کیا جائے گا۔
