اسلام آباد(آن لائن)وزیر مملکت برائے داخلہ شہریار آفریدی نے کہاہے کہ ہم عہدے کا مزہ لینے نہیں ملک کیلئے کام کرنے آئے ہیں۔اسلام آباد میں ائیر ٹریفک کنٹرولرز کے 57 ویں عالمی دن کے موقع پر تقریب سے خطاب کرتے ہوئے شہریار آفریدی نے کہا کہ کبھی ملکی سلامتی پر سمجھوتہ نہیں کریں گے اور نہ ہی کسی سے کسی سطح پر ڈکٹیشن لیں گے۔

انہوں نے کہا کہ ہم عہدے کا مزہ لینے نہیں بلکہ ملک کیلئے کام کرنے آئے ہیں ۔وقت آگیا کہ دنیا کوبتا دیں کہ ہم پرامن قوم ہیں۔واضح رہے کہ شہریار آفریدی کا شمار سب سے ایکٹو وزیر میں کیا جاتا ہے ،رات گئے تھانوں میں چھاپوں اور انصاف کی فوری فراہمی کی وجہ سے عوام نے بھی ان کی کارکردگی کو سراہا ہے جب کہ وفاقی کابینہ کے اجلاس میں بھی ان کو شاباش دی گئی تھی۔