کراچی(این این آئی) ماڈل واداکارہ ماورا حسین نے کہا کہ فہد مصطفی بہترین کو سٹار ہیں وہ ہمیشہ اپنے ساتھی فنکار کو گائیڈ کرتے ہیں، بھارتی فلم سے اپنے فلمی کیریئر کے آغاز کا تجربہ اچھا رہاہے، ملک کا سب سے بڑا المیہ کرپشن ہے، اتحاد ویگانگت سے پاکستان کی تعمیر وترقی میں کردار ادا کرنا ہم سب کی ذمہ داری ہے۔ ایک انٹرویو میں ماڈل واداکارہ ماورا حسین نے کہا کہ پہلی بار پاکستانی فلم جوانی پھر نہیں آنی 2 میں کام کے دوران فہد مصطفی نے جس طرح میرا ساتھ دیا اس سے میرا حوصلہ

مزید بڑھا وہ بہترین کو سٹار ہیں جو اپنے ساتھی فنکار کو ہمیشہ گائیڈ کرتے ہیں۔انہوں نے کہاکہ بھارتی فلم سے اپنے فلمی کیریئر کا آغاز کیا وہ تجربہ بھی بہت اچھا رہا ،اب پاکستانی فلم میں بھی ڈراموں کے بعد شائقین کو متاثر کرونگی۔ انہوں نے کہا ہم سب کی ذمہ دار ی ہے کہ اتحاد و یگانگت سے پاکستان کی تعمیر و ترقی میں اپنا کردار ادا کریں۔ ملک کا سب سے بڑا المیہ کرپشن ہے۔ انہوں نے کہا کہ میری آنیوالی نئی ٹی وی سیریل آنگن ناظرین کو ششدر کردیگی،سیریل میں تحریک پاکستان کا دور یاد آجائیگا ۔