اسلام آباد(آئی این پی)ڈپٹی چیئرمین سینیٹ نے ہاوس کمیٹی کے اجلاس میں پارلیمنٹ لاجز میں چوہوں کا مسئلہ اٹھا دیا ، اراکین لاجز کے چوتھے فلور پر رہنے کو تیار نہیں چوہے سیلنگ میں چھپ جاتے ہیںلاجز میں سیلنگ کو ختم کیا جائے ، دو کمروں کا بجلی کا بل 50ہزار بہت زیادہ ہے اراکین کمیٹی سابقہ اراکین پارلیمنٹ بجلی کے بل نہیں دے کر گے وہ بھی شامل ہیں آئیسکو حکام ۔
تفصیلات کے مطابق سینیٹ کی ہاوس کمیٹی کا اجلاس پارلیمنٹ لاجزمیں ڈپٹی چئیرمین سینیٹ سلیم مانڈی والا کی سربراہی میں منعقد ہوا ۔ اجلاس میں سینیٹ کلثوم پروین ، میر یوسف بادینی کے حکام سی ڈی اے ، آئیسکو کے حکام نے شرکت کی ۔ ا جلاس میں پارلیمنٹ لاجز میں سہولیات کی فراہمی، مرمت، صفائی اور بلوں میں اضافے کے معاملے پر غورکیا گیا ۔ سی ڈی اے حکام کی جانب سے بتا یا گیا کہ پارلیمنٹ لاجز میں ٹک شاپ اور دیگر سہولیات سے متعلق سفارشات پر عملدرآمدجبکہ، موجودہ لاجز کی مرمت کے لئے ٹھیکے دینے کے لئے پی سی ٹو تیار کرلیا ہے جس پر چیئرمین کمیٹی سلیم مانڈی ولا نے کہاکہ چھ ماہ اجلاس منعقد کرتے ہی گذر گے کارکردگی زیرو ہے سی ڈی اے اب کام بھی شروع کرئے ، کب سے 1.5بلین روپے سے پارلیمنٹ لاجز کی تزئین و آرائش کرنی ہے لیکن معاملہ ابھی تک وہیں پر ہے۔ کمیٹی اجلاس میں اراکین کمیٹی کی جانب سے بجلی کے بڑھتے ہوئے بلوں پر بحث کی گئی سینیٹر کلشوم پروین نے کہا کہ لاجز دو کمروں پر مشتمل ہے ان دوکمروں میں دو اے سی لگے ہوئے ہیں جبکہ بل انہیں 50ہزار کا بھیج دیا جاتاہے ،سینیٹر میر یوسف بادینی نے کہاکہ مئی میں سب لوگ الیکشن کے سلسلے مین اپنے اپنے حلقوں میں موجود تھے لیکن بل تب بھی اسی شرح سے آرہے ہیں جس پر آئیسکو حکام نے بتایا کہ بل میٹر ریڈنگ دیکھ کر بھیجے جاتے ہیں چونکہ
سابقہ اراکین پارلیمنٹ بل ادا نہیں کر کے گے وہ بل بھی اسی بلوں میں ایڈ جسٹ کرلئے گے ۔ کمیٹی اجلاس میں پارلیمنٹ لاجز میں موجود چوہوں کا معاملہ بھی زیر بحث لایا گیا ۔ چیئرمین کمیٹی سلیم مانڈی ولا نے کہاکہ لاجز کے چوتھے فلور پر چوہوں کی موجودگی سے ارکان پارلیمنٹ پریشان ہیں ارکان پارلیمنٹ نے چوتھے فلور پر رہنے سے انکار کردیاہے کیونکہ چوتھے فلور پر بڑی تعداد
میں چوہے موجود ہیں، ڈپٹی چیئرمین سینیٹ کا کہناتھا کہ ارکان لاجز کے چوتھے فلور پر رہنے کو تیار ہی نہیںبعض ارکان نے چوتھے فلور کے لاج تبدیلی کرنے کی درخواستیں دی ہیںجس پر کمیٹی نے فار سیلنگ کے خاتمے کی ہدایت کردی چیئرمین کمیٹی سلیم مانڈوی والانے کہا کہ تمام چوہے فار سیلنگ میں چھپ جاتے ہیںفار سیلنگ کا خاتمہ کیا جائے تاکہ چوہوں کو چھپنے کی جگہ نہ ملے۔
