اسلام آباد (نیوز ڈیسک ) وزیراعظم عمران خان نے کہا ہے کہ نیب اور ایف آئی اے سمیت کوئی ادارہ تاجروں و صنعتکاروں کو بلا جواز ہراساں نہیں کرے گا ، ڈکلئیر کردہ غیر ملکی اثاثہ جات رکھنے والے پاکستانیوں کو ایف آئی اے تنگ نہیں کرے گا، قومی احتساب بیورو کے لیے قانون سازی کی جارہی ہے۔ بدھ کو بزنس لیڈرز کونسل نے وزیراعظم کوکاروباری برادری کو درپیش مسائل سے

آگا ہ کیا اور معیشت میں بہتری،صنعت،زراعت اور آئی ٹی کے شعبوں کی ترقی کیلئے تجاویز پیش کیں۔ملاقات میں ملکی معروف کاروباری برادری سے محمد علی طبا،بشیر علی محمد،ثاقب شیرازی،ثمینہ رضوان،بابربادات ،خاور انورخواجہ نے شرکت کی۔وزیرخزانہ اسدعمر،مشیرتجارت عبدالرزاق داد،چیرمین سرمایہ کاری بورڈ ،گورنر سٹیٹ بنک اور دیگر اعلی حکام بھی ملاقات میں شریک ہوئے۔ وفد نے وزیراعظم کے سامنے شکایات کے انبار لگاتے ہوئے کہا کہ ایف آئی اے ٹیکس گوشواروں میں ڈکلئیر شدہ غیر ملکی اثاثوں کے بارے میں بھی نوٹس دے رہا ہے جبکہ نیب اور دیگر اداروں کی جانب سے بھی تاجروں،صنعت کاروں اور کاروباری حضرات کو ہراساں کیا جارہا ہے. وزیراعظم نے وفد کی شکایات سننے کے بعد انہیں یقین دہانی کرائی ہے کہ نیب اور ایف آئی اے سمیت کوئی ادارہ تاجروں و صنعتکاروں کو بلا جواز ہراساں نہیں کرے گا جب کہ ڈکلئیر کردہ غیر ملکی اثاثہ جات رکھنے والے پاکستانیوں کو ایف آئی اے تنگ نہیں کرے گا، وزیراعظم نے کہا کہ قومی احتساب بیورو کے لیے قانون سازی کی جارہی ہے۔وزیراعظم نے وفد کی شکایات سننے کے بعد انہیں یقین دہانی کرائی ہے کہ نیب اور ایف آئی اے سمیت کوئی ادارہ تاجروں و صنعتکاروں کو بلا جواز ہراساں نہیں کرے گا جب کہ ڈکلئیر کردہ غیر ملکی اثاثہ جات رکھنے والے پاکستانیوں کو ایف آئی اے تنگ نہیں کرے گا، وزیراعظم نے کہا کہ قومی احتساب بیورو کے لیے قانون سازی کی جارہی ہے۔