اسلام آباد (مانیٹرنگ ڈیسک) تحریک انصاف کا راستہ روکنے کے لیے اپوزیشن جماعتوں نے ایکا کر لیا، پیپلز پارٹی اور مسلم لیگ (ن) نے ضمنی الیکشن میں سیٹ ایڈجسٹمنٹ کر لی ہے، رپورٹ کے مطابق پنجاب میں دو حلقوں کے علاوہ پیپلز پارٹی کے تمام امیدوار مسلم لیگ (ن) کے حق میں دستبردار کرنے کا فیصلہ کر لیا ہے، ن لیگ سندھ میں اپنے امیدوار پیپلز پارٹی
کے حق میں دستبردار کرے گی، سیٹ ایڈجسٹمنٹ کے سلسلے میں ہی پیپلز پارٹی نے پنجاب میں اپنے تمام امیدوار مسلم لیگ (ن) کے حق میں دستبردارکرنے کا فیصلہ کر لیا ہے۔ پنجاب میں رحیم یار خان اور تاندلیانوالہ میں پیپلز پارٹی کے امیدوار الیکشن لڑیں گے جبکہ لاہور کے چاروں حلقوں سے پیپلز پارٹی کے امیدوار ن لیگ کے حق میں دستبردار ہوں گے۔
