اسلام آباد (این این آئی)موٹروے پولیس نے بروقت مدد کرتے ہوئے گمشدہ بارہ سالہ بچی بنام علیشبا کو لواحقین سے ملوا دیا ۔تفصیلات کے مطابق نزد پنجاب کالج کامونکی کے ڈیوٹی پر معمور سینیئر پیٹرول محمد اقبال خان ہمراہ پیٹرول آفیسر امان اللہ کو روٹین کی پیٹرولنگ کے دوران سڑک کے کنارے ایک بارہ سالہ بچی کو روتے ہوئے پایا ۔پوچھ گچھ کرنے پر معلوم ہوا کہ علیشبا ولد محمد بوٹا سکنہ گہانیاں ، کامونکی کی رہائشی ہے جو کہ ماہِ محرم کے جلوس کے دوران
اپنے والدین سے بچھڑ گئی تھی۔بچی سے مزید معلومات حاصل کرنے کے بعد موٹروے پولیس افسران نے بچی کا گھر تلاش کرنے کے بعد گاؤں والوں کے روبرو والدین کے حوالے کر دیا۔ ننھی علیشبا کے والدین نے موٹروے پولیس کے افسران کا بہت شکریہ ادا کیا ۔ ایس پی سلمان علی نے افسران کی اس کاوش کو سراہتے ہوئے اس امید کا اظہار کیا کہ افسران اسی طرح اپنی ڈیوٹی الرٹ اور احسن طریقے سے انجام دیتے رہیں تاکہ عوام کی بروقت مدد کی جاسکے۔
