راولپنڈی( آن لائن)اسلام آباد انٹرنیشنل ایئرپورٹ کے بین الاقومی لاؤنج میں واقع آفس کے چھت کی سیلنگ گر جانے سے 4افراد زخمی اور2کمپیوٹرز ناکارہ ہو گئے اطلاعات کے مطابق بین الاقوامی آمد کے ساتھ واقع جیری دناتا کی بیگج ہینڈلنگ آفس کی چھت گر گئی جس کے نتیجہ میں انیس،اطہر سمیت4افراد زخمی ہو گئے جنھیں سول ایو ایشن اتھارٹی کے ایئرپورٹ پر واقع ٹراما سینٹر میں

منتقل کردیا گیا دریں اثنا دفتر میں موجود2 کمپیوٹر بھی ناکارہ ہو گئے جبکہ سول ایوی ایشن اتھارٹی نے آفس کو سیل کردیا ہے سول ایوی ایشن کی ترجمان فرح حسین نے واقعہ کی تفصیلات سے لا تعلقی کا اظہار کرتے ہوئے بتایا کہ یہ ایسا واقعہ نہیں ہے جس کی تفصیلات معلوم کی جائیں انہوں نے کہا کہ شائید یہ زیر تعمیر ایریا ہو لیکن معمولی زخمی ہونے والے دونوں افراد مسافر نہیں تھے ۔