اسلام آباد(آئی این پی ) وزیر اعظم عمران خان نے کہا کہ عوام کو ہر معاملے پر اعتماد میں لیا جائے، پارٹی رہنما حکومتی موقف درست انداز میں عوام کے سامنے پیش کریں، حکومت عوام کو ریلیف دینا چاہتی ہے، حکومت عوام کو ریلیف دینا چاہتی ہے ،یہ واحد حکومت ہوگی جو ملکی معیشت کو دلدل سے نکالے گی ، عوام کو ہر معاملے پر اعتماد میں لیا جائے ۔منگل کو وزیراعظم عمران خان کی زیر صدارت پارٹی رہنماؤں کا اجلاس ہواجس میں وزیر خارجہ شاہ محمود قریشی ، وزیر دفاع پرویز خٹک، وزیرتعلیم شفقت محمود ،

وزیر انسانی حقوق شیریں مزاری، سینٹ کے قائد ایوان شبلی فراز، عثمان ڈار سمیت دیگر رہنماؤں نے شرکت کی۔ اجلاس میں وزیراعظم عمران خان نے پارٹی رہنماؤں کو حکومتی موقف کے دفاع کی ہدایت کی اور کہا کہ حکومتی موقف درست انداز میں عوام کے سامنے پیش کیا جائے۔ اجلاس میں وزیراعظم نے آئی ایم ایف سے رجوع کرنے کی وجوہات بتائیں۔ انہوں نے کہا کہ حکومت عوام کو ریلیف دینا چاہتی ہے ۔یہ واحد حکومت ہوگی جو ملکی معیشت کو دلدل سے نکالے گی۔ عوام کو ہر معاملے پر اعتماد میں لیا جائے۔