لاہور(این این آئی ) واسا صارفین کی سہولت کے پیش نظر اب دو مہینوں کی بجائے ایک مہینے کا بل ادا کرنا پڑے گا ۔ صارفین اس وقت ایک روپے میں پچاس گیلن کے حساب سے پانی کا بل ادا کر رہے ہیں یہ دنیا میں سب سے کم ترین نرخ ہیں۔ زیر زمین پانی کے بتدریج ذخائر کم ہو نے کے پیش نظر واسا شہریوں کو 22کی بجائے 12گھنٹے پانی فراہم کرے گا جبکہ 280پٹرول
پمپس کیساتھ سروس اسٹیشن کے کنکشن بند کر دیئے گئے ہیں اور انہیں 3ماہ کے لئے مہلت دی گئی ہے کہ وہ سروس اسٹیشن پر ری سائیکلنگ پلانٹ نصب کریں۔ واسا نے مساجد میں وضو کے پانی کو پی ایچ اے کے زیر استعمال لانے کیلئے مساجد کے باہر زیر زمین ٹینکیاں بنانے کیلئے بھی تجویز دی ہے پی ایچ اے ان ٹینکیوں سے پانی اکٹھا کرکے باغات کو سیراب کرے گا۔
