برازاویلے(آئی این پی)جمہوریہ کانگو میں ایبولا وائرس سے ہلاکتوں کی تعداد میں روز افزوں اضافہ ہو رہا ہے گذشتہ روز 6مزید افراد ہلاک ہونے سے ہلاک شدگان کی تعداد 78تک جا پہنچی ہے،ہلاکتوں میں مزید اضافے کا خدشہ ظاہر کیا جا رہا ہے۔ بین الاقوامی میڈیا کے مطابق

ایبولا میں مبتلا 142 مریضوں میں سے مزید 6 افراد کی ہلاکت سے اس متعددی بیماری میں ہلاک ہونے والے افراد کی تعداد 78 تک پہنچ گئی ہے۔جمہوریہ کانگو کی وزارت صحت کی طرف سے جاری کردہ بیان کے مطابق متعدی بیماری کا آغاز ماہِ جولائی کے اوخر میں شمالی صوبے کیوو سے ہوا۔ مریضوں میں سے177 خونی بخار میں مبتلا ہوئے جن میں سے 142 میں ایبولا وائرس کی تشخیص کی گئی ہے۔بیان کے مطابق ایبولا میں مبتلا 142 مریضوں میں سے مزید 6 افراد کی ہلاکت سے اس متعددی بیماری میں ہلاک ہونے والے افراد کی تعداد 78 تک پہنچ گئی ہے۔تاہم وائرس کا شکار ہونے کے بعد صحت یاب ہونے والے افراد کی تعداد 50 ہے۔دوسری طرف علاقے میں 8 اگست کو شروع کروائی جانے والی مہم کے دائرہ کار میں 15 ہزار افراد کے قریب افراد کو حفاظتی ٹیکے لگائے گئے ہیں۔واضح رہے کہ جمہوریہ کانگو میں پہلی دفعہ 1976 میں ایبولا وائرس کی بیماری ابھری اور دسمبر 2013 کو یہ بیماری مغربی افریقہ میں پھیل گئی۔