لاہور(اے این این)وزیر ریلوے شیخ رشید احمد نے لاہور فیصل آباد نئی نان اسٹاپ ٹرین کا افتتاح کردیا،ابتدائی 100دنوں میں 10نئی مسافر ٹرینیں اور 3نئی مال گاڑیاں چلائیں گے اور غریب مسافروں کیلئے ایسی ہی نت نئی ٹرینیں چلاتے رہیں گے،غور کررہے ہیں پہلے ٹکٹ لینے والے کو سستی اور دیر سے ٹکٹ خریدنے والے کو مہنگی ٹکٹ دی جائے ۔
ریلوے قلی پرانا یونیفارم سرخ کرتہ اور پگڑی پہن سکتے ہیں۔لاہور ریلوے اسٹیشن پر لاہور فیصل آباد نان اسٹاپ ٹرین کی افتتاحی تقریب کے بعد میڈیا سے گفتگو کرتے ہوئے شیخ رشید احمد نے کہا کہ وہ غریب مسافروں کے لئے نت نئی ٹرینیں چلاتے رہیں گے اور موجودہ ٹرینیں کی حالت بھی بہتر بنائیں گے۔وزیر ریلوے نے کہا کہ ریلوے قلی پرانا یونیفارم سرخ کرتہ اور پگڑی پہن سکتے ہیں،ان کا مزید کہنا تھا کہ ہم مسافروں کی تعداد میں بھی اضافہ کریں گے، اس بات پر غور کر رہے ہیں کہ پہلے ٹکٹ لینے والے کو سستی اور جو دیر سے ٹکٹ خریدے گا اسے مہنگی فروخت کریں گے۔شیخ رشید نے کہا کہ میں نے وزیر اعظم سے کہا ہے کہ ریلوے ملازمین کو ایک گریڈ ترقی دی جائے۔انہوں نے کہا کہ وہ تارکین وطن سے کہیں گے کہ وہ دھند میں ٹرینیں مقررہ رفتار سے چلانے کے لیے خصوصی آلات ریلوے کو گفٹ کریں۔اس موقع پر انہوں نے قلیوں کی پرانی یونیفارم بحال کرنے کا بحال کرنے کا حکم دیتے ہوئے کہا کہ ریلوے قلی پرانا یونیفارم سرخ کرتہ اور پگڑی پہن سکتے ہیں۔واضح رہے کہ وزیر اعظم عمران خان نے اوورسیز پاکستانیوں سے ڈیمز فنڈ کیلئے چندہ دینے کی اپیل کی تھی۔
