لاہور (نیوز ڈیسک) وزیراعظم عمران خان نے صوبائی کابینہ کے اجلاس میں وزراء کو ہفتے کے سات دن کام کرنے کا حکم صادر کر دیا ہے۔ واضح رہے کہ وزیراعظم عمران خان نے اجلاس کی صدارت کرتے ہوئے کہا کہ پنجاب کی عوام حکومت پر نظر رکھے ہو ئے ہیں، وزیراعظم نے آئندہ 48 گھنٹوں کے دوران نئے بلدیاتی نظام کو حتمی شکل دینے کی ہدایت بھی کر دی ہے۔ وزیراعظم عمران خان کی زیر صدارت ہونے والے اجلاس میں
بلدیاتی نظام کو حتمی شکل دینے کے بارے بھی غور و خوض کیا گیا، اجلاس میں گورنر پنجاب چوہدری سرور، گورنر خیبرپختونخوا شاہ فرمان، وزیراعلیٰ پنجاب عثمان بزدار اور وزیر اطلاعات فواد چوہدری سمیت پارٹی کے سینئرز عہدیدار شریک ہوئے۔ وزیراعظم نے کہا کہ اختیارات کونچلی سطح تک منتقل کرنا تحریک انصاف کی حکومت کا سب سے اہم ایجنڈا ہے، انہوں نے کہا کہ عوام کو صحیح معنوں میں بااختیار بنانا ہے۔
