مانسہرہ(مانیٹرنگ ڈیسک) اسکول میں کرنٹ لگنے سے 4بچے جاں بحق ، 2 افراد شدید زخمی ۔تفصیلات کے مطابق مانسہرہ کے علاقے کیوائی میں غیر سرکاری فلاحی تنظیم کے اسکول میں4 بچے کرنٹ لگنے سے جاں بحق ہو گئے ہیں جبکہ افسوسناک سانحہ میں 2 افراد زخمی ہوگئے جن میں ٹیچر اور چوکیدار شامل ہیں۔موصولہ اطلاعات کے مطابق بچے صبح سویرے اسمبلی کے لیے پول پر جھنڈا لگا رہے تھے کہ لوہے کا پول اوپر سے گزرنے
والے بجلی کے تاروں سے ٹکرا گیا جس کے نتیجے میں چار بچے جھلس کر شدید زخمی ہوگئے۔ایک ٹیچر اور چوکیدار فوری طور پر بچوں کے پاس پہنچے اور گھسیٹ کر انہیں بچانے کی کوشش کی لیکن اس دوران وہ خود بھی زخمی ہوگئے۔ زخمیوں کو فوری طور پر قریبی اسپتال منتقل کیا گیا جہاں زخموں کی تاب نہ لاتے ہوئے چاروں بچے چل بسے۔ زخمی ٹیچر اور چوکیدار کو طبی امداد فراہم کی جارہی ہے ۔ واقعے کی تحقیقات شروع کردی گئی ہیں۔
