لاہور (نیوز ڈیسک) سابق خاتون اول بیگم کلثوم نواز کے آخری دیدار کے موقع پر انتہائی رقت آمیز مناظر سامنے آئے، اس موقع پر مریم نواز اپنی ماں کے آخری دیدار کے موقع پر اپنی بیٹیوں مہرالنسا اور ماہ نور کے ساتھ دھاڑیں مار کر روتی رہیں۔ ایک موقر قومی اخبار کی رپورٹ کے مطابق مرحوم کلثوم نواز کی سہیلیاں بھی پرانی یادوں
کا ذکر کرتے ہوئے آبدیدہ ہو گئیں، اس موقع پر تصاویر اور ویڈیو بنانے والی خواتین سے سکیورٹی اہلکاروں نے موبائل فون لے کر توڑ دیے اور انہیں پنڈال سے باہر نکال دیا، اس کے علاوہ ن لیگ کی رہنما مریم اورنگزیب اور ثانیہ عاشق بھی خواتین کے موبائل سے بنائی گئی ویڈیوز اور تصاویر ڈیلیٹ کرواتی رہیں۔
