اسلام آباد (مانیٹرنگ ڈیسک)معروف  اینکر پرسن مبشر لقمان نے2 روز پہلے یہ خبر دیتے ہوئے کہا تھا کہ صحافیوں سے ملاقات کے دوران فرانسیسی صدر کی وزیراعظم عمران خان کو کال آئی لیکن انہوں نے یہ کہہ کر فون سننے سے انکار کردیا کہ ابھی مصروف ہوں ،تھوڑ ی دیر بعد کال کروں گا ۔اس حوالے سے سوشل میڈ یا پر بھی خوب بحث ہوئی ،کچھ لوگوں نے وزیراعظم عمران خان کے اس اقدام کی تعریف کی تاہم بعض افراد نے اسے سفارتی آداب کے خلاف قرار دیا۔تاہم اینکرپرسن کی یہ خبر جھوٹی نکلی ۔نجی ٹی وی کیپٹل نیوز

کے مطابق فرانسیسی صدر کی وزیراعظم عمران خان کو کال نہیں آئی تھی بلکہ فرانسیسی سفارتخانے نے دفتر خارجہ کو کال کی تھی۔فرانسیسی سفارتخانے نے یہ طے کرنے کے لیے رابطہ کیا کہ فرانسیسی صدر وزیراعظم عمران خان کو کب ٹیلی فون کریں ؟اس حوالے سے سینئر صحافی عمر چیمہ نے ٹوئٹر پر کہا کہ جس انداز میں خارجہ محاذ پر غیر ذمہ دارانہ حرکتیں جاری ہیں ،اللہ ہی رحم کرے ،پہلے یہ بات پھیلائی گئی کہ خان نے کال لینے سے انکار کردیا اب پتہ چلا ابھی تو کال کیلئے وقت طے ہو رہا ہے ۔