اسلام آباد (مانیٹرنگ ڈیسک) خاور مانیکا جو کہ وزیراعظم عمران خان کی اہلیہ بشریٰ بی بی کے سابق شوہر ہیں چند دنوں سے وہ زیر بحث ہیں، ڈی پی او رضوان گوندل کے معاملے پر عمران خان اور تحریک انصاف کو شدید تنقید کا نشانہ بنایا جا رہا ہے، اسی موقع پر معروف صحافی سلیم صحافی نے ایک نجی ٹی وی چینل کے پروگرام میں گفتگو کرتے ہوئے عمران خان کی ذاتی زندگی پر آ گئے، جب معروف صحافی سلیم صافی سے سوال پوچھا گیا کہ کیا
حکومت کی طرف سے قائم کردہ ٹاسک فورسز نوے دن کے اندر روڈ میپ تیار کر لیں گی تو معروف صحافی نے جواب میں کہا کہ تحریک انصاف ابھی پارٹی نہیں بنی یہ نئی مسلم لیگ (ق) ہے۔ انہوں نے پروگرام کے دوران کہا کہ اس کی کارکردگی کو جانچنے کے لیے مسلم لیگ (ق) کی حکومت کو مدنظر رکھنا ہوگا، انہوں نے کہا کہ پچھلی حکومت میں صرف خاتون اول کو پروٹوکول دینا پڑتا تھا لیکن اس حکومت میں شوہر اول کو بھی پروٹوکول دینا ہوگا۔
