اسلام آباد (مانیٹرنگ ڈیسک) عمران خان کی حکومت میں صرف انہی بیوروکریٹس کو اہم عہدوں پر تعینات کی جا رہا ہے جن کے نام کے ساتھ خان لگا ہوا ہے، معروف صحافی رئوف کلاسرا نے انتہائی خوفناک دعویٰ کر دیا۔ تفصیلات کے مطابق معروف صحافی رئوف کلاسرا نے دعویٰ کیا ہے کہ کئی بڑے بیوروکریٹ نے انہیں فون کر کے کہا کہ موجودہ حکومت جس کے نام کیساتھ خان ہوا ہے صرف اسی کو اہم عہدوں سے نوازا جا رہا ہے ۔ عمران خان نے اعظم خان کو لگایا تو وہ اپنے بیسٹ فرینڈ ڈاکٹر سلمان خان

کو لے آئے جو آگے سے جہانزیب خان کو لے آئے ۔انہوں نے کہا کہ بیورو کریسی کی پوسٹنگ کے حوالے سے مشرف دور میں بھی الزام لگتا تھا کہ اگر آپ اچھی پوسٹنگ چاہتے ہیں تو آپ کا اردو سپیکنگ ہونا ضروری ہے یا کم از کم ہندوستان سے آپ کا کوئی نہ کوئی تعلق ضرور ہونا چاہیے۔ پی پی دور میں گیلانی کی ترجیح یہ تھی کہ ملتان کا بندہ ہو یا جنوبی پنجاب سے ہو یا جو سرائیکی بولتا ہو، اسی بندے کو ترجیح دی جاتی تھی جبکہ زرداری سندھ سے باہر ہی نہیں نکلتے تھے