لاہور(آئی این پی) آئی جی پنجاب نے خاور مانیکا کو ناکے پر روکنے کی سزا‘ڈی پی او پاکپتن رضوان گوندل کو عہدے سے ہٹا دیا ۔تفصیلات کے مطابق 23اگست کی رات خاور مانیکا کے مسلح گارڈز کو ناکے پر روکنے پر بشری عمران کے سابق شوہر خاور مانیکا نے پولیس پر چڑھائی کر دی۔5 اگست کو بشری عمران کی بیٹی کے حوالے سے بھی ایک واقعہ پیش آیا۔خاتون اول کی بیٹی ننگے پاؤں دربار کی
طرف جا رہی تھیں۔ان کے گارڈز کی گاڑی کی وجہ سے ٹریفک جام ہوئی تو پولیس نے مداخلت کی۔ اعلی حکام کی مداخلت کے بعد معاملہ رفع دفع ہو گیاخاور مانیکا کے گارڈز کو روکنے کے واقعہ سے 5 اگست کی تلخی بھی لوٹ آئی۔ ڈی پی او رضوان گوندل کو معافی نہ مانگنے پر عہدے سے ہاتھ دھونا پڑے۔ رضوان گوندل کو فوری طور پر سی سی پی او آفس رپورٹ کرنے کا حکم دیدیا گیا
