کراچی(این این آئی)گزشتہ مالی سال 2017-18 کے دوران چمڑے کے دستانوں اور جوتوں کی ملکی برآمدات میں بالترتیب 15.4فیصد اور 17.2 فیصد کا اضافہ ہوا ہے ۔ ادارہ برائے شماریات پاکستان کی جانب سے جاری کردہ اعدادوشمار کے مطابق گزشتہ مالی سال کے دوران چمڑے کے دستانوں کی برآمدات 21 کروڑ 58لاکھ 55ہزار ڈالر تک بڑھ گئیں جبکہ چمڑے کے جوتوں کی قومی برآمدات کا حجم 9کروڑ 53لاکھ 40 ہزر

ڈالر تک پہنچ گیا جبکہ مالی سال 2016-17کے دوران چمڑے کے دستانوں کی برآمدات سے 18کروڑ 71لاکھ 7ہزارڈالر جبکہ چمڑے کے جوتوں کی برآمدات سے 8کروڑ 13لاکھ 82ہزار ڈالر کا زرمبادلہ کماگیا تھا۔ پی بی ایس کی رپورٹ کے مطابق مالی سال 2016-17 کے مقابلے میں گزشتہ مالی سال 2017-18کے دوران چمڑے کے دستانوں اور جوتوں کی ملکی برآمدات میں 15اور 17فیصد سے زائد کا اضافہ ریکارڈ کیا گیا ہے۔