کراچی (مانیٹرنگ ڈیسک) کراچی میں تحریک انصاف کے نومنتخب رکن صوبائی اسمبلی عمران علی شاہ جس نے ایک شہری کو سرعام مارا تھا، اسے تحریک انصاف نے حیرت انگیز سزا سنا دی ہے، ایک نجی ٹی وی چینل کی رپورٹ کے مطابق عمران شاہ کو پانچ لاکھ جرمانہ اور 20 مریضوں کا مفت علاج کرانے کی سزا سنائی ہے، تحریک انصاف کراچی کے صدر اور ایم پی اے فردوس شمیم نے کہا کہ شہری کو سرعام سڑک پر تھپڑ مارنے

والے ایم پی اے ڈاکٹر عمران علی شاہ کو پارٹی کی جانب سے 5 لاکھ روپے جرمانہ اور 20 مریضوں کامفت علاج کرانے کی سزا سنائی گئی ہے اور جرمانہ کی رقم ایدھی ہوم کے اکاؤنٹ میں جمع کرائی جائے گی۔ اس کے علاوہ عمران شاہ ایدھی فاؤنڈیشن کی طرف سے بتائے گئے 20 بزرگ مریضوں کا اپنے ہسپتال میں مفت علاج کریں گے۔ فردوس شمیم نے کہا کہ اگر عمران علی شاہ نے دوبارہ کوئی ایسی حرکت کی تو انہیں پارٹی سے نکال دیا جائے گا۔