کراچی (این این آئی)منی لانڈرنگ کیس میں گرفتار اومنی گروپ کے سربراہ اور سابق صدر آصف زرداری کے قریبی دوست انور مجید کے بیٹے عبد الغنی مجیدکورات بھرجگا کرتفتیش کی جاتی ہے جس کی وجہ سے ان کو برین ہیمرج کا خطرہ ہے۔نجی ٹی وی کے مطابق منی لانڈرنگ کیس میں عبد الغنی مجید کوایڈیشنل ڈسٹرکٹ اینڈ سیشن جج جنوبی کی عدالت میں پیش کردیا گیا۔سماعت کے دوران ملزم کے وکیل نے عدالت سے درخواست کی

کہ عبد الغنی مجید کا طبی معائنہ کرایا جائے۔دوسری جانب ایف آئی اے پراسیکیوٹرنے موقف اختیار کیا کہ ملزم سے تفتیش ابھی نامکمل ہے ریمانڈ میں توسیع کی جائے جس کے بعد عدالت نے ملزم کے جسمانی ریمانڈ میں 27 اگست تک توسیع کردی۔ایف آئی اے انور مجید کو بیماری کے باعث پیش نہ کرسکی۔ ایف آئی اے نے کہا کہ انور مجید بیمار ہیں پیش نہیں کرسکتے، تفتیشی افسر نے عدالت سے استدعا کی کہ انور مجید کو جیل بھیج دیں ۔

موضوعات:منی لانڈرنگ