اسلام آباد(مانیٹرنگ ڈیسک)عاطف اسلم کا فلم ’بتی گل میٹر چالو‘کا گانا ’’دیکھتے دیکھتے‘‘ریلیز کر دیا گیا۔ تفصیلات کے مطابق پاکستان کے معروف گلوکار عاطف اسلم کا فلم ’بتی گل میٹر چالو‘ کا گانا ’’دیکھتے دیکھتے‘‘ریلیز کر دیا گیا ہے ۔ گانے کی ریلیز پر عاطف اسلم نے سماجی رابطوں کی ویب سائٹ ٹویٹر پر اپنے پیغام میں کہا ہے کہ جس گانے کا انتظار تھا اب وہ ریلیز ہوگیا ہے، محسوس کریں اور عید کی خوشیاں دوبالا کریں‘۔ ’دیکھتے دیکھتے‘ درحقیقت استاد نصرت فتح علی خان
کا گانا ہے جس کے دوبارہ لریکس منوج منتاشر نے لکھے ہیں اور عاطف اسلم کی خوبصورت آواز میں پیش کیا گیا ہے۔کچھ روز قبل فلم کا ٹریلر ریلیز کیا گیا تھا جس کی حیران کن بات یہ ہے کہ فلم کا مرکزی خیال پاکستانی فلم ’ایکٹر ان لاء‘ کا چربہ ہے۔ٹریلر میں فلم کا مرکزی خیال، مکالمے اور کئی سین ’ایکٹر ان لاء‘ سے مماثلت رکھتے ہیں جن میں بظاہر معمولی سی تبدیلیاں کی گئی ہیں۔فلم میں مرکزی کردار بالی ووڈ سٹار ہد کپور اور اداکارہ شردھا کپور ادا کر رہے ہیں ۔

موضوعات:عاطف اسلم