لاہور (نیوز ڈیسک) مسلم لیگ(ن) کے مرکزی رہنما خواجہ سعد رفیق نے کہا ہے کہ شریف خاندان کا نام ای سی ایل میں ڈالنا سیاسی انتقام ہے‘عمران یاد رکھیں یہاں وزرائے اعظم کا آنا مشکل اور جانا بہت آسان ہے‘عمران کے مشرفی مشیر انہیں کہیں کا نہیں چھوڑیں گے۔ اپنے بیان میں انہوں نے کہا ہے کہ نواز شریف کو ای سی ایل میں رکھنا عمران حکومت کے لیے درد سر بن جائے گا۔مسلم لیگ ن کے
رہنما خواجہ سعد رفیق نے کابینہ کے پہلے اجلاس میں شریف خاندان کا نام ای سی ایل میں ڈالنا سیاسی انتقام قراردے دیا۔خواجہ سعد رفیق نے مزید کہا ہے کہ عمران کے مشرفی مشیر انہیں کہیں کا نہیں چھوڑیں گے، انہیں احتساب کے نام پر مخالفین سے جھگڑ کر ہیرو بننے کے مشورے دیے جارہے ہیں۔ن لیگی رہنما نے یہ بھی کہا ہے کہ یاد رکھا جائے کہ یہاں وزرائے اعظم کا آنا مشکل اور جانا بہت آسان ہے۔
