اسلام آباد(مانیٹرنگ ڈیسک)حنیف عباسی کی اڈیالہ جیل میں طبیعت خراب، راولپنڈی انسٹی ٹیوٹ آف کارڈیالوجی منتقل کیا جا رہا ہے، ن لیگی رہنمااور کارکن خبر سنتے ہی ہسپتال پہنچ گئے۔ تفصیلات کے مطابق حنیف عباسی کی اڈیالہ جیل میں طبیعت خراب ہونے پر انہیں راولپنڈی انسٹی ٹیوٹ آف کارڈیالوجی منتقل کیا جا رہا ہے۔ نجی ٹی وی رپورٹ کے مطابق حنیف عباسی دل کے عارضے میں مبتلا ہیں اور چند دن قبل انہیں سانس کی بھی شدید تکلیف
ہوئی تھی جس کے بعد آج ان کی طبیعت شدید خراب ہونے پر اڈیالہ جیل انتظامیہ نے ڈاکٹرز سے مشورے کے بعد حنیف عباسی کو اڈیالہ جیل سے راولپنڈی انسٹی ٹیوٹ آف کارڈیالوجی منتقل کرنے کا فیصلہ کیا ہے اور انہیں اس وقت اڈیالہ جیل سے راولپنڈی انسٹی ٹیوٹ آف کارڈیالوجی منتقل کیا جا رہا ہے۔ حنیف عباسی کی خرابی صحت اور ہسپتال منتقلی کی خبر سنتے ہی ن لیگی کارکنوںاور رہنمائوں کی بڑی تعداد ہسپتال پہنچ گئی ہے ۔
