لندن(مانیٹرنگ ڈیسک)برطانیہ کاایک نوجوان اس وقت ہیروبن گیا۔تفصیلات کے مطابق یہ نوجوان برطانیہ کے جنوبی علاقے میں اپنے ماں باپ کے ساتھ رہائش پذیر ہے، جب اس نے پوری دنیا پر سائبر حملے کے بارے میں سنا یہ اُس وقت ایک سیکیورٹی کمپنی میں کام کر رہا تھا۔ اس برطانوی نوجوان نے دنیا کو بڑی تباہی سے بچالیا۔ سو سے زائد ممالک سائبر حملے کی زد میں تھے جنہیں صرف 10پونڈز(پاکستانی 1000روپے) خرچ کرکے بچالیا گیا جبکہ دنیا کی نیندیں اڑا دینے والے ،

آئی ٹی ماہرین کی سانسیں چھین لینے والے سافٹ ویئر کو شکست دیدی۔اس برطانوی نوجوان نے سائبر حملے میں استعمال ہونے والے ویب سائٹ کو 10 پونڈز(پاکستانی 1000روپے) میں خرید لیا۔ دنیا بھر میں سائبر حملے سے متاثر 75 ہزار سے زائد کیسز رپورٹ ہوئے۔اور ہیکرز فی کمپیوٹر تین سو ڈالر تاوان طلب کررہے تھے۔واضح رہے کہ آئی ٹی ماہر ین کے مطابق پوری دنیا میں ہونے والے حملے میں آسٹریلیا،بلجیم، فرانس،جرمنی،اٹلی اور میکسیکو میں کمپیوٹرز کو نقصان پہنچا ہے۔