اسلام آباد/لاہور ( این این آئی) صدر مملکت ممنون حسین نے سپیکر پنجاب اسمبلی چودھری پرویز الٰہی کو اہم ترین ذمہ داریاں سونپ دیں،صدر مملکت ممنون حسین نے گورنرپنجاب ملک رفیق رجوانہ کا استعفیٰ منظور کر لیاجس پر چوہدری پرویز الٰہی کو قائمقام گورنر پنجاب مقرر کردیا گیا جبکہ ڈپٹی سپیکر دوست محمد مزاری قائمقام سپیکر پنجاب اسمبلی ہوں گے ۔تفصیلات کے مطابق عام انتخابات میں تحریک انصاف کی کامیابی پر گورنر پنجاب ملک رفیق رجوانہ نے اپنا
استعفیٰ صدر مملکت کو بھجوا دیا تھا جس میں کہا گیا تھا کہ ملک میں عام انتخابات ہو چکے ہیں،کامیاب جماعت کو اپنا گورنر لگانے کا اختیار ہے اس لئے میں اپنی خدمات جاری نہیں رکھا سکتا۔جس پر صدر مملکت ممنون حسین نے رفیق رجوانہ کا استعفیٰ منظورکرتے ہوئے سپیکر پنجاب اسمبلی چوہدری پرویز الٰہی کو گورنر پنجاب مقرر کردیا اور اس کا نوٹیفکیشن بھی جاری کردیا گیا ہیجبکہ ڈپٹی سپیکر دوست محمد مزاری قائمقام سپیکر پنجاب اسمبلی ہوں گے ۔
