اسلام آباد(سی پی پی) وزیراعظم عمران خان چھٹی کے روز اپنے دفتر پہنچ گئے ، امور مملکت چلانے میں مصروف رہے جبکہ وفاقی کابینہ کل ایوان صدر میں حلف اٹھائے گی جس کے بعد تمام وزراء اپنے اپنے عہدوں کی ذمہ داریاں سنبھالیں گے۔ تفصیلات کے مطابق عمران خان نے معمول کے مطابق ورزش کی اور بنی گالا میں صبح سویرے واک کی جس کے بعد عمران خان اپنے دفتر پہنچے اور وزیر اعظم چھٹی کے روز بھی امور مملکت چلانے میں مصروف رہے۔
اس حوالے سے عمران خان کی تصاویر بھی سوشل میڈیا پر وائرل ہو رہی ہیں جن میں دیکھا جا سکتا ہے کہ عمران خان نے ہاتھوں میں فائلیں پکڑی ہوئی ہیں اور وہ بہت پر اعتماد انداز میں چل رہے ہیں۔دوسری جانب وفاقی کابینہ ارکان کل ایوان صدر میں حلف اٹھائیں گے ۔جس کے بعد تمام وزرا اپنے اپنے عہدے کی ذمہ داریاں سنبھالتے ہوئے کام کا آغاز کر دیں گے جبکہ وزیراعظم پاکستان عمران خان توپہلے سے ہی کام کا آغاز کر چکے ہیں ۔
