اسلام آباد (نیوز ڈیسک) تحریک انصاف کے چیئرمین کے وزیراعظم منتخب ہونے کے اعلان کے بعد ن لیگ کے اراکین نے احتجاج شروع کردیا اور ساتھ ساتھ نعرے لگانے بھی شروع کر دیے، سپیکر کے بار بار منع کرنے کے باوجود لیگی اراکین باز نہ آئے جس پر سپیکر قومی اسمبلی نے اجلاس کی کارروائی پندرہ منٹ کے لیے ملتوی کر دی، جب اجلاس میں وقفہ ہوا تو عمران خان
کافی روم چلے گئے، اس حوالے سے پاکستان تحریک انصاف کی رہنما زرتاج گل وزیر نے سماجی رابطے کی ویب سائٹ ٹوئیٹر پر جاری پیغام میں ایک تصویر شیئر کی اور ساتھ لکھا کہ اس وقت ہم کافی روم میں ہیں، وزیراعظم عمران خان کے ساتھ وقفے کے دوران ملنے والا وقت گزار رہے ہیں، تھوڑا تھک گئے ہیں، لیکن ہم پورے حوصلے کے ساتھ واپس ایوان میں جائیں گے۔
