گوجرانوالہ(آئی این پی) میگا پراپرٹی فراڈ 145بروکر درجنوں افراد کو پراپرٹی کاروبار میں شراکت کا جھانسہ دیکر ڈیڑھ ارب روپے لیکر فرار 145دو ہفتے گذر جانے کے باوجود کسی حکومتی ادارے نے نوٹس نہ لیا۔ متاثرین کی چیف جسٹس سے از خود نوٹس لینے کی اپیل۔ تفصیلات کے مطابق یونین کونسل 60 دھلے کے محلہ مغل پورہ گلہ مسجد ریحان والا کے رہائشی بروکر رضوان عالم ولد محمد عالم انصاری نے مختلف افراد کو پراپرٹی کے کاروبار میں شراکت کا جھانسہ دیا

جس پر درجنوں افراد نے اس سے لدھیوالا 145مدو خلیل 145مغل پورہ وغیرہ میں پراپرٹی خریدی 145ملزم رضوان عالم نے انہیں اقرار نامہ تحریر کرا دیئے اور کسی کو اپنے چیکس دے دیئے۔ پھر ملزم رضوان پانچ اگست کو فون بند کر کے اچانک غائب ہو گیا۔ جس پر شہریوں نے اپنی پراپرٹی دستاویز کو چیک کیا تو معلوم ہوا کہ ملزم نے ایک ہی پراپرٹی کو چھ 145سات افراد سے رقم وصول کر کے اشٹام پیپرز پر اقرار نامہ دیئے ہوئے ہیں جبکہ کئی اشٹام کئی بوگس نکلے اسی طرح چیک بھی کیش نہ ہو سکے۔ اب تک 150 متاثرین سامنے آ چکے ہیں۔ جن سے ڈیڑھ ارب کے قریب رقم ہتھیالی گئی ہے۔ ملزم رضوان کے بارے معلوم ہوا ہے کہ وہ پانچ وقت نماز کا پابند اور ہر سال دو 145تین عمرے کرتا اور حج بھی کر رکھا ہے۔ رمضان میں غرباء میں راشن تقسیم کرنیکا اہتمام بھی کرتا تھا۔ عوام کو اس نے مذہبی لبادہ اوڑھ کر لوٹا اور شہری اس پر اندھا اعتماد کرتے رہے۔ اتنے بڑے پیمانے پر فراڈ پر حکومتی اداروں کی بے حسی سامنے آئی ہے تاحال ملزم کیخلاف کوئی کارروائی نہ ہو سکی اور نہ ہی کسی نے متاثرین سے رابطہ کیا ہے۔ متاثرین درخواستیں لکھوانے کیلئے کچہریوں کے چکر کاٹ رہے ہیں۔ متاثرین کا کہنا ہے کہ انہیں سمجھ نہیں آ رہی کہ وہ داد رسی کیلئے کس کا در کھٹکھٹائیں۔ لٹنے والوں میں صحافی 145سیاستدان اور کاروباری افراد بھی شامل ہیں۔ متاثرین نے چیف جسٹس آف پاکستان سے مذکورہ واقعہ کا از خود نوٹس لینے کا مطالبہ کیا ہے۔