لاہور( این این آئی)پنجاب اسمبلی میں سپیکر کے انتخاب کے دوران (ق) لیگ اور تحریک انصاف کی درخواست پر ایک رکن اسمبلی کا تقریباً آدھا گھنٹہ انتظار کیا گیا ۔ دونوں جماعتوں کے رہنماؤں کی جانب سے سپیکر سے درخواست کی گئی کہ ایک رکن اسمبلی آرہے ہیں اور بس اسمبلی کے دروازے پر ہیں ۔ کافی وقت گزرنے
کے باوجود جب رکن اسمبلی نہ پہنچے تو سپیکر نے کہا کہ اسمبلی کے دروازے سے آنا ہے یا اپنے گھر کے دروازے سے ؟ تاہم دونوں جماعتوں کے رہنماؤں کی جانب سے کوئی جواب نہ دیا گیا ۔ تقریباً آدھے گھنٹے بعد پیپلز پارٹی کے رکن اسمبلی رئیس نبیل ایوان میں آئے اور ووٹ ڈالنے کے فوری بعد واپس روانہ ہو گئے ۔
