اسلام آباد (سی پی پی)پاکستان تحریک انصاف کے رہنما، ایڈووکیٹ بابر اعوان نے کہا ہے کہ سادگی پی ٹی آئی حکومت کا شعار ہوگا، وزیر اعظم کی حلف برداری تقریب ایوان صدرمیں سادگی کیساتھ ہو گی،عمران خان کا بیرون ملک کوئی اثاثہ نہیں، انہیں سپریم کورٹ نے ایک سال تلاشی کے بعد صادق و امین قرار دیا۔انہوں نے اسلام آباد ہائی کورٹ کے باہر میڈیا سے گفتگو کرتے ہوئے کہا کہ عمران خان کا
بیرون ملک کوئی اثاثہ نہیں، انہیں سپریم کورٹ نے ایک سال تلاشی کے بعد صادق و امین قرار دیا۔پی ٹی آئی رہنما بابر اعوان نے مزید کہا کہ عمران خان اسٹیٹس کو کی سیاست توڑ کر وزارت عظمیٰ کا حلف اٹھائیں گے،پاکستان تنہائی سے نکل رہا ہے۔انہوں نے پاکستان تحریک انصاف کی سادگی کی مثال دیتے ہوئے یہ بھی کہا کہ ہماری پارلیمانی پارٹی کے اجلاس میں بھی ون ڈش کا انتظام تھا۔
