اسلام آباد( آئی این پی ) قومی اسمبلی کے اجلاس میں مسلم لیگ (ن) کی خواتین ارکان نے تحریک انصاف کی ناک میں دم کیے رکھا، مریم اورنگزیب وقتا فوقتا مختلف رہنماؤں کی تقاریر کے دوران تحریک انصاف پر جملے کستی رہیں کہ” شرم آئی” ، جس پر دیگر(ن) لیگی خواتین ساتھ دیتے ہوئے کہتیں ” نہیں آئی” ،”شرم ہے ہی نہیں”۔تفصیلات کے مطابق بدھ کو قومی اسمبلی اجلاس میں مسلم لیگ (ن) کی خواتین رہنماؤں نے پاکستان تحریک انصاف کی ناک میں دم کیے رکھا مخالف پارٹی کو کڑی تنقید کا نشانہ بنایا اور طنزیہ جملے کسے ،
اس دوران مسلم لیگ (ن) کی مرکزی ترجمان مریم اورنگزیب وقتاً فوقتا تحریک انصاف پر طنز کے تیر چلاتی رہیں ، جس پر مسلم لیگ (ن) کی دیگر خواتین ارکان نے ان کا بھر پور ساتھ دیا ،مختلف رہنماؤں کی تقاریر کے دوران مریم اورنگزیب تحریک انصاف پر جملے کستی رہیں کہ ”شرم آئی” ، جس پر دیگر لیگی خواتین کہتیں ” نہیں آئی” ،”ہے ہی نہیں” ۔ ایک موقع پر شاہ محمود قریشی نے اپنی تقریر کے دوران سپیکر اسد قیصر کو کہا کہ آپ کا انتخاب معمولی واقعہ نہیں جس پر (ن)لیگی ارکان نے کہا کہ ہم بھی یہی کہہ رہے ہیں ۔
