اسلام آباد (نیوز ڈیسک) قومی اسمبلی میں سپیکر اور ڈپٹی سپیکرکے انتخاب کے لیے بلائے گئے اجلاس میں تحریک انصاف کے رہنما ڈاکٹر عامر لیاقت نے پیپلز پارٹی کے شریک چیئرمین آصف علی زرداری سے ملاقات کی اور ان کی یہ ملاقات فوٹو گرافروں نے اپنے کیمرے میں محفوظ کر لی، ملاقات یہ تصویر سوشل میڈیا پر بھی وائرل ہو گئی، جس نے بھی یہ تصویر دیکھی وہ حیران رہ گیا۔ اجلاس کے دوران تحریک انصاف کے رہنما ڈاکٹر عامر لیاقت پیپلز پارٹی کے شریک چیئرمین آصف زرداری
سے ملنے کے لیے گئے اور ان کی نشست کے ساتھ ہی فرش پر پاؤں کے بل بیٹھ گئے، اس موقع پر فوٹو گرافرز نے دیر نہیں اور اس موقع کو محفوظ کر لیا۔ اس تصویر پر جہاں ایک طرف پیپلز پارٹی والے بہت خوش ہیں کہ عامر لیاقت نے آصف علی زرداری کی سنیارتی کو مدنظر رکھتے ہوئے احتراماً ایسا عمل کیا تو دوسری جانب تحریک انصاف کے کارکنوں میں غصہ پایا جاتا ہے، تحریک انصاف کے رہنما ڈاکٹر عامر لیاقت کراچی سے بہت اچھے مارجن سے جیتے ہیں۔
