اسلام آباد(آن لائن)تحریک انصاف کے چیئرمین عمران خان آج 9گاڑیوں کے قافلے کے ساتھ بنی گالہ سے پارلیمنٹ ہاؤس روانہ ہوئے۔ تفصیلات کے مطابق بدھ کے روز پی ٹی آئی چیئرمین عمران خان جب اسپیکر اور ڈپٹی اسپیکر کے انتخاب کیلئے بنی گالہ سے پارلیمنٹ ہاؤس کیلئے روانہ ہوئے تو اس وقت عمران خان کے ساتھ 9گاڑیوں کا قافلہ تھا جس میں سکیورٹی اہلکاروں سمیت ٹریفک پولیس اور ذاتی لینڈکروزرز شامل تھیں۔
دریں اثناء تحریک انصاف کے چیئرمین عمران خان نے اچھے کی امید ظاہر کرتے ہوئے کہا ہے کہ ٹاس ہم جیت چکے ہیں توقع کرتے ہیں میچ اچھا ہوگا ان خیالات کا اظہار عمران خان نے پارلیمنٹ ہاؤس آمد کے موقع پر صحافیوں سے غیر رسمی گفتگو میں کیا انہوں نے کہا کہ ٹاس تو تحریک انصاف کی ٹیم پہلے ہی جیت چکی ہے اور پیچ بھی اچھی نظر آرہی ہے اب اچھے کی امید کررہے ہیں کہ میچ اچھا اور دلچسپ ہوگا ۔
