راولپنڈی (آن لائن)ایون فیلڈ ریفرنس میں اسلام آباد کی احتساب عدالت سے سزا یافتہ سابق وزیر اعظم میاں محمدنواز شریف کی طبیعت قدرے بہتر ہونے کے 3روز بعدانہیں منگل کی رات واپس اڈیالہ جیل منتقل کر دیا گیا ڈاکٹروں کی ہدائیت کے برعکس نواز شریف کو ان کی خواہش پر دوبارہ اڈیالہ جیل منتقل کر دیا گیا اڈیالہ جیل منتقلی سے قبل

پاکستان انسٹی ٹیوٹ آف میڈیکل سائنسز (پمز)اسلام آباد کے میڈیکل بورڈ نے سابق وزیراعظم کا تفصیلی طبی معائنہ کیا میڈیکل بورڈ نے نصف گھنٹے سے زائدوقت سابق وزیراعظم کے بلڈ پریشرشوگر،نبض اور دل کی دھڑکن کا معائنہ کیا میڈیکل بورڈ نے سابق وزیراعظم کو ایکو کارڈیو گرام،الٹرا ساؤنڈ ٹیسٹ بھی تجویز کئے جبکہ بورڈ نے سابق وزیر اعظم کے دائیں پاؤں کی ایڑھی کی سوجن کا معائنہ بھی کیاڈاکڑوں نے نواز شریف کو کمرے میں چہل قدمی کی ہدایت کی تاہم ایکو اور الٹراساؤنڈ سمیت تمام رپورٹس تسلی بخش آنے کے بعد نواز شریف کو جیل منتقل کر دیا گیا نواز شریف کو پمزکے کارڈیک سینٹر کے عقبی راستے سے واپس روانہ کیا گیااس موقع پرپروٹوکول اور بکتر بند گاڑی کو کارڈیک سینٹر کے سامنے لایا گیاجبکہ نواز شریف کی منتقلی کے دوران غیر معمولی حفاظتی انتظامات کئے گئے تھے اس مقصد کے لئے پمز ہسپتال سے اڈیالہ جیل تک خصوصی روٹ لگانے کے علاوہ پولیس کی نفری بھی تعینات کی گئی تھی یا درہے کہ 29جولائی (بروز اتوار)کو نواز شریف کو سینے اوربائیں بازو میں شدید درد کی شکائیت کے پیش نظر ڈاکٹروں کے مشورے پر اڈیالہ جیل سے پمز ہسپتال منتقل کیا گیا تھا ۔