پاکپتن (آئی این پی) پاکستان تحریک انصاف کے چیئرمین عمران خان کی موجودہ اہلیہ بشریٰ بی بی کے سابق شوہر خاور مانیکا نے عمران خان کو الیکشن میں فتح حاصل کرنے پر مبارکباد دیتے ہوئے کہا ہے کہ خدا عمران خان اور بشریٰ بی بی کو سرخرو کرے، بشریٰ بی بی کے خاتون اول بننے پر خوش ہوں، ہمارا اپنا گھر ہی وزیراعظم ہاؤس ہے۔ وہ پیر کو نجی ٹی وی سے گفتگو کررہے تھے۔

انہوں نے کہا کہ خدا عمران خان اور بشری بی بی کو سرخرو کرے۔ عمران خان کو الیکشن میں فتح پر اور بشری بی بی کو خاتون اول بننے پر مبارکباد دیتا ہوں۔ ہمارا اپنا گھر ہی وزیراعظم ہاؤس ہے۔ خاور مانیکا نے کہا کہ بشری بی بی دنیا کی نیک ترین عورت ہیں ۔ میرے بچے میرے ساتھ ہی رہیں گے۔ لوگ باتیں بناے رہیں گے انکی فکرنہ کریں۔ جو کچھ ہورہا ہے خدا کی مرضی سے ہورہا ہے۔