کراچی(نیوزڈیسک) آئندہ مالی سال کے بجٹ کے اہم اعداد و شمار اوراہداف سامنے آگئے ہیں۔ وفاقی بجٹ 44 کھرب روپے کا ہوگا۔9 فیصد اضافے کے ساتھ 770 ارب روپے دفاع اور 580 ارب روپے ترقیاتی بجٹ کی مد میں رکھے جائیں گے۔حکو مت اور آئی ایم ایف کے دبئی میں جاری چھٹے جائزہ اجلاس میں وزیر خزانہ اسحاق ڈار نے آئندہ مالی سال کے بجٹ کے خدوخال پر بریفنگ دی۔ ذرائع کے مطابق اسحاق ڈار نے آئی ایم ایف کو بتایا آئندہ مالی سال کا وفاقی بجٹ 44 کھرب روپے تک رکھا جائے گا، بجٹ میں جی ڈی پی کی شرح کا ہدف6 فیصد رکھا گیا ہے۔ دفاعی بجٹ میں 9فیصد اضافے کے ساتھ 770 ارب روپے تک مختص کرنے کا امکان ہے۔ گزشتہ برس دفاع کا بجٹ 700 ارب روپے تھا۔ آئندہ بجٹ میں وفاقی ترقیاتی بجٹ کو 580 ارب روپے تک رکھے جانے کی تجویز دی گئی ہے۔