اسلام آباد(آئی این پی ) قومی اورصوبائی اسمبلیوں کے 8 حلقوں پرانتخابات ملتوی کردیئے گئے ہیں، ایک حلقہ میں امیدوار کی نااہلی جبکہ سات حلقوں میں امیدواروں کے انتقال کے باعث انتخاب ملتوی کردیا گیا جس کے بعد 841 حلقوں پر(آج) بدھ کو انتخابات ہوں گے۔الیکشن کمیشن کے مطا بق قومی اورصوبائی اسمبلیوں کے 8 حلقوں پرانتخابات ملتوی کردیئے گئے ہیں،ا ین اے 60 پر حنیف عباسی کی نااہلی کے

بعد، پی کے 78 پشاور، پی پی87 میانوالی، پی ایس87 ملیر، پی کے99 ڈی آئی خان اورپی بی 35 مستونگ، پی پی 103 اوراین اے103 فیصل آباد پرا میدواروں کے انتقال کے باعث انتخاب ملتوی ہوا۔واضح رہے کہ(آج) بدھ کو ملک بھرمیں عام انتخابات منعقد ہورہے ہیں جہاں قومی اسمبلی کی 272 میں سے 270 جب کہ چاروں صوبوں کی مجموعی طورپر577 میں سے 570 نشستوں پر(آج) رائے شماری ہوگی۔

موضوعات:الیکشن حلقے انتخابات ملتوی