رائے ونڈ (این این آئی)سابق وزیر عظم محمد نواز شریف اور ان کی صاحبزادی مریم نواز کی ایون فیلڈ ریفرنس میں گرفتاری کے بعد جاتی امرا ء فارم ہاؤس سے سکیورٹی واپس بلا لی ۔معلوم ہوا ہے کہ سابق وزیر عظم محمد نوازشریف اور ان کی صاحبزادی مریم نواز کے اڈیالہ جیل منتقل ہونے کے بعد ان کی حفاظت پر مامور ایلیٹ فورس کی

تمام نفری کو واپس بلالیا گیا ہے،ایلیٹ فورس کی یہ نفری مریم نواز اور نواز شریف کے ساتھ ڈیوٹی سرانجام دے رہی تھی ۔ذرائع کے مطابق واپس جانیوالے اہلکاروں میں 3اے ایس آئی ،18ہیڈ کانسٹیبل اور 21کانسٹیبل شامل ہیں فارم ہاؤس کے ذرائع نے تصدیق کرتے ہوئے کہا ہے کہ سکواڈ میں شامل گاڑیاں ڈرائیور وں سمیت واپس چلی گئی ہیں۔