ہری پور:ہری پور میں نامعلوم افراد کی فائرنگ سے ن لیگ کے رہ نما اور ضلع کونسل کے امیدوار قاضی سجاد جاں بحق ہوگئے۔پولیس کے مطابق قاضی سجاد سرائے سالہہ میں ایک کارنر میٹنگ کے بعد گھر واپس جارہے تھے کہ نامعلوم افراد نے فائرنگ کردی۔فائرنگ کے نتیجے میں قاضی سجاد موقع پر ہی جاں بحق ہوگئے۔فائرنگ کے بعد ملزمان فرار ہونے میں کامیاب ہوگئے۔مسلم لیگ ن خیبر پختونخواہ کے صوبائی صدر پیر صابر شاہ نے واقعے کی مذمت کرتے ہوئے قاتلوں کی گرفتاری کامطالبہ کیا ہے۔ قاضی سجاد کی نماز جنازہ سرائے سالہہ میں جمعہ کی نماز کے بعد ادا کی جائے گی۔