قاہرہ(انٹرنیشنل ڈیسک)معزول مصری صدر محمد مرسی کے مشیر عبداللہ شحات سمیت 13ملزمان کو سزا سنا دی گئی،یہ سزا آتشی اسلحہ کے استعمال، نفرت پھیلانے اور دھماکہ خیز مواد جمع کرنے پر سنائی گئی، ملزمان کو سزاؤں کے خلاف اپیل کا حق محفوظ ہے۔ غیر ملکی میڈیا کے مطابق مصر کی ایک فوج داری عدالت نے ملک کے پہلے منتخب صدر محمد مرسی کے مشیر برائے اقتصادی امور عبداللہ شحات سمیت 13 ملزمان کو عمر قید کی سزا سنائی ہے۔مصری عدالت کی جانب سے ملزمان کویہ سزا کوالٹی کمیٹیز کیس میں سنائی گئی ہے۔ملزمان پر الجیزہ گونری میں حکومت

کے خلاف جرائم کیلیے کمیٹیاں قائم کرنے، راستے سیل کرنے، شہریوں کو ہراساں کرنے کے لیے آتشیں اسلحہ استعمال کرنے، عوام کی زندگیاں خطرے میں ڈالنے، نفرت پھیلانے والا مواد تقسیم کرنے اور دھماکہ خیز مواد تیار کرنے کی تربیت حاصل کرنے کے الزامات عاید کیے گئے ہیں۔اس کے علاوہ ملزمان پر خلاف قانون قائم کردہ جماعت کے ساتھ وابستگی کا بھی الزام عاید کیا گیا۔ ملزمان میں سے چھ عدالت میں موجود تھے جنہیں پندرہ سال قید بامشقت اور ایک ملزم کو دس سال قید با مشقت کی سزا سنائی گئی۔ اس کیس میں ملزمان کو سنائی گئی سزاں کے خلاف اپیل کا حق ہے۔