ممبئی (شوبز ڈیسک) بالی وڈ اداکارہ پریانکا چوپڑا کو ممبئی میونسپل کارپوریشن کی جانب سے بیوٹی پارلر کی عمارت پر بغیر اجازت اضافی فلور تعمیر کرنے پر قانونی نوٹس بھیج دیا گیا۔بھارتی میڈیا رپورٹس کا کہنا ہے کہ بی ایم سی کے مطابق 5 افراد سمیت ایک میونسپل کارپوریٹر نے شکایت کی کہ اوشی وارا اندھیری ایسٹ میں واقع ایک بیوٹی پارلر ‘کرزما بیوٹی اسپا اینڈ سیلون کی عمارت پر ایک اضافی

منزل تعمیر کی گئی ہے جو غیر قانونی ہے جس پر پریانکا چوپڑا اور ان کی فیملی کو دو، دو نوٹس بھیجے گئے اور فوری جواب طلب کیا گیا ہے۔رپورٹ کے مطابق پارلر کی زمین کی مالک اداکارہ پریانکا چوپڑہ ہیں جہاں انتظامیہ سے اجازت کے بغیر اضافی فلور تعمیر کیا گیا تھاجبکہ پارلر کیجم منیجر منک سونی کا کہنا تھا کہ انہوں نے پریانکا اور ان کی والدہ سے معاہدے کے بعد یہ عمارت کرائے پر لی تھی۔