چکوال ( نیوز ڈیسک) پاکستان تحریک انصاف کے امیدوار حلقہ این اے 64سردار ذوالفقار علی خان دلہہ نے جمعہ کے روز بتایا کہ میرا ختم نبوت کے حوالے سے مسلم لیگ ن کی قیادت سے شدید اختلاف رہا ہے اور کیونکہ میرے حلقہ کے ایک لاکھ ووٹ این اے 64میں شامل کر دئیے گئے تھے جس پر میں نے مسلم لیگ ن کا ٹکٹ مانگا تھا مگر پارٹی قیادت نے ٹکٹ نہیں دیا اپنے سیکرٹریٹ میں
اخبار نویسوں سے گفتگو کرتے ہوئے سردار ذوالفقار دلہہ نے مزید کہا کہ میں نے اپنے مقامی سابق پارلیمنٹرنیز کے منافقانہ روئیے کی وجہ سے بھی مسلم لیگ ن سے علیحدگی اختیار کی ہے انہوں نے کہا کہ عمران خان ایک روشن خیال لیڈر ہیں اور پاکستان کو اس وقت ایک ایسے لیڈر کی ضرورت ہے جو ملک کو کرپشن سے نجات دلا کر بین الاقوامی سطح پر پاکستان کا وقار بلند کرے
